توکی ءُُ ڈنی سرمایہ کاری ءَ را دیمروئی دیگ ءُُ کاروباری برات آنی آسراتی ءِ واستہ ’’ون ونڈو‘‘ آپریشن ءَ را دیمروئی دیگ بوھگ ءَ اِنت، کاروباری تبک ءِ آسراتی ءِ واستہ ھاسیں سیل ھم جوڑ کنگ بوتگ
ریاض ۔23اکتوبر (اے پی پی) مزن وزیرعمران خان ءَ ملک ءَ ھاٹیگ ءَ ھوار توامیں شوبگ آنی تہ ءَ سرمایہ کاری ءِ موہ آناں سہرا کنان ءَ گوشت کہ توکی ءُُ ڈنی سرمایہ کاری ءَ را دیماروئی دیگ ءُُ کاروباری برات آنی آسراتی ءِ واستہ ’’ون ونڈو‘‘ آپریشن ءَ را دیمروئی دیگ بوھگ ءَ اِنت وھدیکہ اے رد ءَ ھاسیں سیل جوڑ کنگ بوھگ ءَ اِنت۔ آئی ءَ اے گپ ادا سعودی وزیر ءِ ھزانگ احمد الجدان، سعودی وزیر تجارت ءُُ سرمایہ کاری ڈاکٹر ماجد القصبی، وزیر ءِ ھاٹیگ ءُُ کدرتی آسراتی انجینئر خالد الفالح، سعودی ڈویلپمنٹ فنڈ ءِ چئیرمین احمد الخطیب ءُُ ڈائریکٹر پبلک انوسٹمنٹ فنڈ یاسر الرمیان ءَ گوں گپ ءُُ تران کنان ءَ گوشت کہ آئی ءَ سئے شمبے ءَ مزن وزیر ءَ گوں گند ءُُ نند کت۔ مزن وزیر عمران خان ’’آیوکیں وھد ءَ سرمایہ کاری ءِ موہ‘‘ ءِ بابت ءَ میاں اوستمانی کانفرنس ءَ بھر زوری ءِ واستہ سعودی عرب ءِ دو روچی تر ءُُ تاب ءَ اِنت۔ اے کانفرنس ریاض ءَ 23ءَ چہ 25اکتوبر ءَ برجم دارگ بوھگ ءَ اِنت۔ گند ءُُ نند ءَ مزن وزیر عمران خان تران کنان ءَ گوشت کہ ملک ءَ توکی ءُُ ڈنی سرمایہ کاری ءَ را دیمروئی دیگ ءُُ کاروباری برات ءِ آسراتی ءِ واستہ ’’ون ونڈو‘‘ آپریشن ءَ را دیمروئی دیگ بوھگ اِنت تانکہ کاروباری تبک ءِ مردم آناں اِچ رنگیں نہ وشی مہ بیت۔ آئی ءَ گوشت کہ کاروباری تبک ءِ مردم آناں آسراتی ءِ واستہ ھاسیں سیل ھم جوڑ کنگ بوتگ۔ سعودی وزیر آں پاکستان معشیت ءِ سر ءَ ھُب ءُُ واھگ ءِ درشان کنان ءَ یکجائی سرمایہ کاری ءِ ھوالگ ءَ منصوبگ آنی سر ءَ تران کت۔ گند ءُُ نند ءَ سعودی ڈل ءِ استیں پاکستان ءِ تر ءُُ تاب ءِ ساھت ءَ منوگر بوتگیں جیڈھ اانی سر ءَ دیمروئی گامگیج آنی چار ءُُ تپاس زورگ بوت۔ سعودی وزیر ءِ ھاٹیگ زوت پاکستان ءِ تر ءُُ تاب ءَ کن اَنت ایشی ءَ چہ منوگر بوتگیں منصوبگ آناں پکوئیں رنگ دیگ بیت۔ وزیر ءِ درئی کار شاہ محمود قریشی، وزیر ھزانگ اسد عمر، وزیر اھوالکاری چوہدری فواد حسین، مشیرتجارت عبد الرزاق داؤد، وزیر مملکت ہارون شریف ءُُ سعودی عرب ءَ پاکستان ءِ سفیر خان ہشام بن صدیق ھم گند ءُُ نند ءَ ساڑی اَتت۔
