اسلام آباد۔23اکتوبر(اے پی پی) مزن وزیر عمران خان سعودی عرب ءِ دو روچی سرکاری ترءُ تاب ءِ دومی بھرءَ سئے شمبے ءِ روچءَ ریاضءَ سربوتگ۔ بالی پڑءَ ریاض ءِ شہزادہ فیصل بن بندربن عبدالعزیز ءُ پاکستانءِ سفیر خان ہشام بن صدیقءَ وش اَتک کتگ ءُ دگہ سعودی حکامءُ قو نصلیٹ ءِ افسرہم مزن وزیرءِ وش اَتک ءَ ساڑی بوتگ اَنت۔ دری کارانی وزیر شاہ محمود قریشی، حزانگءِ وزیر اسد عمر ، حالءُ اھیوال کاری ءِ وزیر چوہدری فواد حسین ، بیپاری ءِ صلہ کار عبدالرزاق دوؤد ءُ ملکی وزیر /زرکاری بورڈ ءِ چیئرمین ہارون شریف ہم مزن وزیرءِ ہمراہ اَنت۔ ایشی ءَ پیسر مزن وزیر ءَ وتی ڈل ءِ ہمراہ مدینہ منورہ ءَ گوستگیں شپ ءَ رسول ؐءِ روضہ مبارک ءَ حاضری داتگ ءُ عشاء نماز ءُ نفل ادا کتگ۔ اے موہءَ ملک ءِ دیمروئی ، وشھالی ءُ سلامتی ءِ ھاترءَ ہاسیں دعا ہم کتگ۔
