اسلام آباد۔23اکتوبر(اے پی پی) نوکیں پاکستان ہاؤسنگ سکیم ءَ را 19شہراَں گیش کنگ بوتگ، ڈیرہ غازی خان ءُ مظفر گڑھ ءَ را ہم سکیم ءَ ہوار کنگءِ فیصلہ کتگ۔ سرکاری وسیلگ ءِ گشگءِ ردءَ ڈیرہ غازی خانءُ مظفر گڑھ ءَ را ہم نوکیں پاکستان ہاؤسنگ سکیم ءَ ہوار کنگءِ فیصلہ کنگ بوتگ کہ ایشی ءَ چہ جنوبی پنجاپ ءِ اُلس ءَ را اے آسراتی حاصل بیت۔ایشی ءَ چہ پیسر سکھر، کوئٹہ، گلگت، مظفر آباد، سوات، اسلام آباد،فیصل آبادءَ ہوار 7شہرآں اے اسکیم بندات کنگءِ فیصلہ کنگ بوتگ۔ السی ضلورتءَ چارگءَ پد اے منصوبہ دگہ 2شہرآ ں بندات کنگءِ فیصلہ کنگ بوتگ کہ لاہور ، ملتان، رحیم یارخان، لیہ، بہاولپور، وہاڑی، قصور، سیالکوٹ، جہلمءُ گوجرانوالہ ہوار اَنت۔ نادرا ءَ پہ سکیم ءَ دزبندی دزگرگ بندات کتگ وہدے کہ گیش دگہ شہرآں ہم جنوری ءَ فارم دزگرگ بندات بنت۔ پہ منصوبہ ءَ ریگولیٹری باڈی ہم جوڈ کنگ بیت۔ نوکیں پاکستان ہاؤسنگ سیکم ءَ را بنداتءَ چہ اُلسءَ سک پسند کتگ ءُ نادرا کارگساں فارم جم کنوکیں مردم مُچ بوتگ اَنت۔نادرا فارم دزگرگ ءِ نظام ءَ را گہتر کنگ ءَ گامگیج کنگ ءَ اِنت۔
