اسلام آباد۔ 22 اکتوبر (اے پی پی) بُنجاھی وزیر برائے آپی مڈی فیصل واوڈا ءَ گوشت کہ پیسریگیں حکومت ءَ داسو ڈیم ءِ بابت ءَ ردئیں بیانی کتگ ءُُ راج ءَ گوں دروگ بستگ، ورلڈ بنک ءِ گوما میٹنگز مھتل کتگ انت اے سبب ءَ 30 کروڑ کلدار ھمک روچ ءِ تاوان برداشت کنگ ءَ آں۔ کوشست اِنت کہ داسو پن توان منصوبگ 2022 ءَ سرجم کنگ بہ بیت، 18ھژدھمی سدی ءِ بلیک میلنگ ءِ آماچ نہ باں ، ھمک ھما گام ءَ جناں کہ آ ملک ءِ الس ءِ واستہ نہپ ءُُ سیتکار بہ بیت ءُُ ایشی ءَ چہ آپ ءَ را گہتریں رپکے ءَ امبار ءُُ جم کنگ بہ بیت، سندھ ءَ را ھم آپ ءِ دُز نہ گوشتگ بلے سندھ ءَ آپ ءِ دُزئی ءِ بوھگ ءِ گپ ءُُ گال آنی سر ءَ اوشتاتگ آں۔ آ دو شمبے ءِ ادا پی آئی ڈی ءَ میڈی بریفنگ ءِ تہ ءَ ھیال آنی درشانی ءَ کنگ ءَ اَت۔ اے موہ ءِ سر ءَ انڈس واٹر کمشنر مہر علیل شاہ ھم ساڑی اَت۔ بُنجاھی وزیر ءَ گوشت کہ ورلڈ بنک ءِ نیمگ ءَ داسو پن توان ءِ منصوبگ ءِ تہ ءَ مھتلی ءِ سر ءَ نہ وشی بوتگ پدا ھم ما ورلڈ بنک ءَ را پدا دل یکیم کتگ۔ آئی ءَ گوشت کہ اے منصوبگ ءِ سر جمی ءِ وھد ءُُ پاس 2021بوتگ پدا گوستگیں دو سال ءَ داسو ڈیم ءِ بنیات جوڑ کنگ نہ بوتگ، منصوبگ ءِ تہ ءَ مھتلی ءِ سبب ءَ وجہ ءُُ بے وجہ ھمک روچ تاوان ءِ کساس 30 کروڑ کلدار جنگ بوتگ۔ آئی ءَ گوشت کہ ما اے منصوبگ ءَ را 2022 ءَ تاں سسرجم کنگ ءِ واستہ گامگیج کنگ ءَ آں۔
