اسلام آباد۔ 22اکتوبر (اے پی پی) بنجائی وزیر اطلاعات و نشریات چوہدری فواد حسین نا منظوری آن پد لیفٹیننٹ کرنل (ر) حسن عماد ءِ پاکستان ٹیلی ویژن(پی ٹی وی) نا ایم ڈی نا ودکی زمواری ءِ تننگانے۔ وزارت اطلاعات و نشریات آن جاری نوٹیفکیشن نا رداٹ ڈائریکٹر پاکستان ٹیلی ویژن کارپوریشن (پی ٹی وی سی) لیفٹیننٹ کرنل حسن عماد محمدی ءِ تینا ساڑی آ زمواری تون اوار اوار منیجنگ ڈائریکٹر پاکستان ٹیلی ویژن نا ودکی زمواری تے تننگانے، او پین پرمان تسکان دا ودکی زمواری تے برجاتخک۔ دانوٹیفکیشن ءِ وزیراطلاعات و نشریات فواد چوہدری نا منظوری آن پد جاری کننگانے۔
