اسلام آباد۔ 22اکتوبر (اے پی پی) امریکہ نا ریپبلکن پارٹی نا راہشون و صدر ڈونالڈ ٹرمپ نا سلاہکار ساجد تارڑ پارینے کہ امریکہ دا حقیقت ءِ امنا کرینے کہ پاکستان نا بیدس اوغانستان اٹی امن مننگ کپک ، ہڑتوم آ ملک آتا وزیر خارجہ غاتا سرسہب دورہ غاتیان برف دیر مننگ ءِ، و تعلقداریک گچینی نا کنڈآ روان ءُ۔ واشنگٹن اٹی پاکستان تحریک انصاف نا راہشون ندیم افضل چن نا شر ف اٹی تروک آ اِرغ نا وخت آ ساجد تارڑ پارے کہ ندیم افضل چن نا منت واراُٹ ہرا خصوصی وخت کشا و امریکہ ٹی رہینگوک پی ٹی آئی آن تعلق تخوک آ پاکستانی ءِ راغب کرے کہ او ڈیم مہم اٹی پبی کڑد ادا کے۔ داکان مست ساجد تارڑ و ندیم افضل چن امریکہ ٹی متعین پاکستانی سفیر علی جہانگیر صدیقی تون ہم اوڑدہی کرے۔
