اسلام آباد۔ 22اکتوبر (اے پی پی) پاکستان تحریک انصاف نا راہشون ندیم افضل چن پارینے کہ بے اُرا بندغ آتے ہڑزآن و آسان قسط آتیا اُرا فراوان کننگک، حکومت دا بابت پوسکن آ پاکستان ہاؤسنگ پروگرام نا باقاعدہ بناءِ کرینے، 30 سال انا خرابیک اِراتُو اٹی سہی مفسہ ، عمران خان گڈگورنس، لس بندغ نا حالیت ءِ گچین جوڑ کننگ تون اوار کروک آ غٹ وعدہ غاتے مرحلہ وار پورو کننگ انگ ءِ۔ مچ آ دنیا ٹی کولاآن بجلی ودی کننگ نا وڑوڈول چٹنگ ءِ ولے مسکوہی حکومت داطرز انا کبین انگابجلی ودی کننگ نا ڈٹ خلک ہراڑآن بجلی نا پیداواری نا نرخ اٹی ریکارڈ ودکی مسنے۔ واشنگٹن اٹی میڈیا تون ہیت وگپ کرسا ندیم افضل چن پارے کہ عمران خان نا سرکڑدہ ہی ملک ءِ ساڑی آ تنکی تیان کشک۔ اوپارے کہ حکومت ہڑزآن بجلی فراوان کننگ کن کولا نا جاگہ غا پن بجلی نا ڈٹ آتیا چکار کننگ ءِ تانکہ ٹیکسٹائل و سل انا صنعت تون اوار غٹ انڈسٹری تے ہڑزآن بجلی ملے و نن دنیا تون مقابلہ کننگ کین۔ اوپارے کہ ملک اٹی پوسکن ءُ ڈیم جوڑ کننگ کن باقاعدہ مہم اس چلیفنگ انگ ءِ ، ملک ءِ بے روزگاری ، کنوئی ءُ صاف دیر، چاگڑد تون اوار چندی ویل آتامون روکی ءِ ، اوپارے کہ حکومت دا بابت پوسکن آ پاکستان ہاؤسنگ ڈٹ انا باقاعدہ بناءِ کرینے۔
