سی پیک ڈٹ آن ملک اٹی زرکاری 100 ارب ڈالر اسکان ودنگ نا گمان ءِ، سی پیک سیکرٹریٹ

اسلام آباد۔ 22اکتوبر (اے پی پی) سی پیک گیم چینجر ءُ ڈٹ اسے ہرا ملک ءِ معاشی کہول آ سوگو و ملک ءِ شونہالی و شونداری نا کسر تیا روان کیک، سی پیک ڈٹ آن ملک اٹی زرکاری 100 ارب ڈالر اسکان ودنگ نا گمان ءِ درملکی زرکاری ٹی ودکی آن مچ آ ملک اٹی پوسکن آ انڈسٹری تا جوڑ کننگ و صنعتی شونداری نا تغ پورو مریک، ہندی صنعت نا رکھ اکن سی پیک نا رداٹ کروک آ زرکاری نا رداٹ لگوک آ صنعت آتے ٹی ہندی کمپنی و ادارہ غاتا بشخ ہلنگ ءِ المی گوندنگے ہراڑآن گچین نتیجہ دوئی مریک۔ سی پیک سیکرٹریٹ نا رداٹ بنجائی حکومت نا ملک اٹی سی پیک نا رداٹ جوڑ مروک آ خصوصی اقتصادی زون تیٹی زرکاری کن خصوصی پیکج نا رداٹ ڈیوٹی خراج آتے ٹی خصوصی رعایت تون اوار ایلو آسراتی تے تننگ نا فیصلہ کرینے۔