نیویارک ۔20 اکتوبر(اے پی پی) پاکستان ءَ اقوام متحدہ ءِ تہ ایٹمی سلاھانی ھوالہ ءَ گوں دراھیں ملکانی تحفظات دور دیگ ءِ سرا زور مان کتگ۔ میاں اوستمانی سیکیورٹی ءُُ دگنیا ءَ را ایٹمی سلاہ چہ پاک کنوکیں جنرل اسمبلی ءِ فرسٹ کمیٹی ءَ گوں تران کنان ءَ جنیوا ءِ تہ پاکستان ءِ دائمی مندوب فرخ عامل ءَ لوٹ کتگ کہ سرجمیں دگنیا ءَ را ایٹمی سلاھ چہ در سلاہ کنگ ءِ کار ءَ را ودکی دیگ ءِ ھاترا راھبندانی سرا اے رنگیں بروبری ءِ نظام پدر کنگ بیت جہ دراھیں ملکانی تحفظات دور دات ءُُ اے میاں اوستمانی نظام چہ کوھنیں وتاسانی مڈی ءَ را کمیں کنگ لوٹ ایت ءُُ دڈبل اسٹینڈرڈ ءَ را ھلاس کنان ءَ سلاھ ءِ ودکی ءِ گرودار کنگ بیت۔ ایٹمی وتاسانی باروا باست ءُُ واست ءَ بہر زوران ءَ سفیر فرخ عامل ءَ گوشت کہ سیاسی ءُُ اقتصادی نپ ءُُ پائدگانی ھاترا سلاھ ءِ ودکی ءِ اقدار ءِ اطلاقءِ تہ ڈبل اسٹینڈرڈ چہ گوریچانی ایشیائی دمگءَ ءُُ ایشی ءِ ابید دگہ دمگانی سٹریٹیجک سلامتی ھطرہ ءِ تہ انت۔آہاں گوشت کہ ایشی ءَ گوں ھوار میاں اوستمانی ءُُ دمگی سلامتی ءِ نگیگ بیوکیں جاورھال ءِ تہ انوں دگنیا ءَ را ایٹمی سلاہ چہ پاک کنگ ایوک واب چارگ بوھگ انت۔
