اسلام آباد۔ 19اکتوبر (اے پی پی) بنجائی وزیر ڈٹ بندی ، شونداری و اصلاحات مخدوم خسرو بختیار پارینے کہ ساڑی آ حکومت ملک انا ہر شاری ءِ صاف دیر انا فراوانی کن اولیتی بنداو تیا گام گیج کننگ ءِ، وزیراعظم عمران خان نا پارت آتے مون آتخسا مچ آ پاکستان اٹی کنوئی آ صاف دیر انا فراوانی نا اسہ جامع ڈٹ اس بناکننگ انگ ءِ، حکومت ملک ءِ مون تروک دیر انا ویل انا ایسری کن سنجیدگی اٹ گام گیج کننگ کن پرعزم ءِ۔ وزیراعظم عمران خان الس آن دیامر بھاشا ڈیم و مہمند ڈیم اکن چندہ نا خواست کرینے۔ داخیال آتا درشانی ءِ او تدوک آ دے سی ڈبلیو پی نا دیوان آن تران کرسا کرے۔ اوپارے کہ لاہور پاکستان نا ارٹ میکو بھلا شار ءِ و داشار اٹی سیوریج نا نظام ءِ گچین جوڑ کننگ و الس ءِ صاف دیر تننگ بھاز المی ءِ۔ حکومت پنجاب نا کنڈآن 67 ارب 50 کروڑ 36لکھ 25ہزار روپئی نا لاہور اٹی دیر انا فراوانی و ویسٹ واٹر مینجمنٹ نا ڈٹ اس پیش کننگا ہرانا رداٹ باقاعدہ چاہندار آتا خذمت آتے دوئی کننگک، داڈٹ ءِ پورو منظوری کن ایکنک آ گدریفنگانے۔
