اسلام آباد۔ 19 اکتوبر (اے پی پی) آزاد جموں و کشمیر نا صدر سردار مسعود خان بنجائی وزیر امور کشمیر و گلگت بلتستان علی امین خان گنڈاپور تون اوڑدہی کرسا اودے بنجائی کابینہ ٹی پوسکن آ زمواری تا سنبھالنگ آمبارکبادی تس۔ صدر سردار مسعود خان و بنجائی وزیر امور کشمیر مقبوضہ جموں وکشمیر اٹی انسانی حق انا خلاف ورزی تا جم اٹنگا حالیت آتون اوار بھارتی فوج انا دوتے اٹ بے گناہ کشمیری الس نا کشت وخون ، غیر کانودی دزگیری تتون اوار انسانیت نا برخلاف ایلو ڈوہ تیا خیال آتا درشانی ءِ کرے۔ صدارتی سیکرٹریٹ نا کنڈآن جاری بیان نا رداٹ صدر سردار مسعود خان اوڑدہی ٹی صدر پاکستان ڈاکٹر عارف علوی ، وزیراعظم عمران خان و وزیر خارجہ شاہ محمود قریشی نا کنڈآن کشمیر نا ویل آ جاندار و دوٹوک موقف اختیار کننگ، کشمیری الس تون یکجہتی نا درشان و بھارتی حکومت تون مقبوضہ کشمیر اٹی انسانی حق انا خلاف ورزی تے دمدستی وڑاٹ بند کننگ نا خواست ءِ کننگ آ اونا منت واری ءِ ہرفے۔
