اسلام آباد۔ 19 اکتوبر (اے پی پی) چیئرمین سینیٹ محمد صادق سنجرانی قومی کرکٹ ٹیم انا آسٹریلیا نا برخلاف ٹیسٹ میچ اٹی سرسہبی و اِرا ٹیسٹ میچ آتیا تالان سیریز ءِ کٹنگ آ مبارکبادی ترسا پارینے کہ قومی ٹیم غٹ بشخ آتے ٹی گچین کارکڑ دنشان تس ہرانا سوب کٹنگ اونا مقدر مس۔ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ پارے کہ اِرا ٹیسٹ میچ آتیا تالان سیریز اٹی ریکارڈ مارجن اٹ کٹنگ آن نئے بیرہ ملک وقوم انا پن روشن مسنے بلکن داڑآن گوازی گرتا پت اٹی ہم ودکی مسنے۔ او اومیت نا درشانی ءِ کرے کہ کٹنگ نا داچرجوئی ہنداوڑاٹ برجاسلک و قومی ٹیم سرسہبی نا داسفر آ روان مریک۔ اوٹیم مینجمنٹ نا کوشست آتا ستاءِ کرے۔
