اسلام آباد۔ 18 اکتوبر (اے پی پی) اقوام متحدہ ٹی پاکستان نا آخبتی مندوب ڈاکٹر ملیحہ لودھی نیزگاری نا چٹفنگ کن پائیدار شونداری ہدف آتا دوئی کن پوسکن آ عزم انا گرج آ زور شاغسا پارینے کہ جہانی حالیت آک 2030 ء نا شونداری ہدف آتا دوئی کن سازگار افس۔ اوداہیت ءِ اقوام متحدہ نا جنرل اسمبلی نا ارٹ میکو کمیٹی آن تران کرسا پارے۔ دا کمیٹی اقتصادی و مالیاتی معاملہ غاتے ہرک۔ کمیٹی آن تران کرسا ڈاکٹر ملیحہ لودھی پارے کہ جہانی شریداری ٹی دراڑ بننگ ءِ، جہانی مالیاتی وسیلہ غاتسکان رسینگ محدود مننگ ءِ، داڑتون اوار اوار سیاسی عزم اٹی ہم کمتی بسنے۔ اوپارے کہ دنیا ہزاریہ شونداری ہدف آتا جہانی ایجنڈاغان داسہ ہم بھاز مرءِ۔ ڈاکٹر ملیحہ لودھی پارے کہ ہزاریہ شونداری ہدف و راجی و اقتصادی شونداری نا ایلو ہدف آتا دوئی کن زیات جوش وجوزہ و سیاسی عزم انا درشانی ءِ کروئی مریک۔
