کوئٹہ۔ 18 اکتوبر (اے پی پی) صوبائی وزیر ٹرانسپورٹ میر محمد عمر خان جمالی پارینے کہ الس ءِ بنداوی آسراتی تا فراوانی حکومت نا اولیت ءِ، محکمہ نا کارکڑدءِ پین گچین جوڑ کننگ و الس نا خذمت اٹی ڈیوالائی ءِ سگپنہ، ملازم آک تینا ڈیوٹی آ حاضری ءِ المی جوڑ کیر، الس نا ویل آتے ایسر و صوبہ ءِ شونداری نا کسر آ روان کننگ کن غٹ وسیلہ غاتے کاریم اٹ اتنگک، سی پیک ڈٹ گیم چینجر ثابت مریک، صوبہ ٹی معاشی سرجزآتون اوار اوار روزگار نا وارخواہی دوبریک، پاک چین اقتصادی راہداری آن معاشی ، اقتصادی و واپاری شونداری نا پوسکن ءُ کسر ملنگ انگ ءِ۔ مچ آ ملک خاص کر بلوچستان نا الس اسکان راہداری نا بھرم آک سرمریرہ و زند انا ہر بشخ خاص وڑاٹ ٹرانسپورٹ نا بشخ اتون وابستہ بندغ آتے داعظیم ڈٹ انا بے پناہ فائدہ رسینگک گوادر بندرگاہ ءِ پاک چین اقتصادی راہداری ڈٹ اٹی مخ انا ملی نا حیثیت دوئی ءِ ہراڑآن روزگار نا وارخواہی ودنگ تون اوار اوار واپاری کچ اٹی ہم ودکی مریک۔ داخیال آتا درشانی ءِ او ’’اے پی پی‘‘ نا بیورو چیف نذرمحمد تون ہیت وگپ کرسا پارے۔
