کوئٹہ۔ 18 اکتوبر (اے پی پی) صوبائی وزیر مواصلات و تعمیرات نواب زادہ میر طارق خان مگسی تون سلاہکار ثانوی تعلیم حاجی محمد خان لہڑی ، مسکوہی صوبائی وزیر آک میر عبدالغفور لہڑی ، میر فائق خان جمالی، قبائلی راہشونک میر محمد اسلم خان مگسی، میر قیصر خان جمالی، میر سعید احمد جمالی، میر سنجر خان جمالی و ایلو شخصیت آک اوڑدہی کریر و جتا شونداری ڈٹ و علاقائی ویل آتا بابت خیال آتا درشانی ءِ کریر۔ داوخت آ ڈل اتون ہیت وگپ کرسا صوبائی وزیر سی اینڈ ڈبلیو نواب زادہ میر طارق خان مگسی پارے کہ مچ آ بلوچستان اٹی شونداری ڈٹ آتے السی گرج آتا رداٹ جوڑ کننگ انگ ءِ۔ صوبائی حکومت نا کوشست ءِ کہ دوئی وسیلہ غاتے الس نا اجتماعی فائدہ کن ہندن ءُ حکمت عملی اسے اٹ کاریم اٹ اتنگے ہراڑآن زیات آن زیات خلقت فائدہ ہرفنگ کے و وسیلہ غاک زیان مفس۔ اوپارے کہ حکومت بلوچستان نا اصلاحاتی ایجنڈا نا رداٹ غیر شونداری خڑچ آتا کچ ءِ کم کرسا وسیلہ غاتے الس نا شرحالی کن کاریم اٹ اتنگ نا حکمت عملی ءِ تینا کننگ انگ ءِ ہرانا دوررس اثرمرتب مریک و دا اجتماعی ڈٹ آتا پوروی آن الس نا زند انا آب بڑز مریک۔
