کوئٹہ۔ 18 اکتوبر (اے پی پی) وزیراعلیٰ بلوچستان نا سلاہکار ثانوی تعلیم حاجی محمد خان لہڑی محکمہ سیکنڈری ایجوکیشن نا زمواری تے سنبھالسا سرکاری معاملہ غاتا انجام دہی نابناءِ کرینے ۔ تدوک آدے بلوچستان عوامی پارٹی نا بنجائی راہشون مسکوہی صوبائی وزیر میر عبدالغفور لہڑی و قبائلی و سیاسی دوست و احباب حاجی محمد خان لہڑی ءِ کرسی منصب آ تولفیر اوکان پد جتا السی ڈل آک حاجی محمد خان لہڑی ءِ مبارکبادی تسر و ڈل آتون ہیت وگپ کرسا حاجی محمد خان لہڑی پارے کہ بلوچستان نا تعلیمی شونداری ساڑی آ صوبائی حکومت نا اولین مسہ اولیت آتا بشخ ءِ وزیراعلیٰ بلوچستان جام کمال خان نا ویژن نا رداٹ صوبہ ٹی سرکاری کہول آ تعلیم نا مون آ دننگ کن قابل عمل ٹھوس حکمت عملی اس اختیار کننگ انگ ءِ ، و رابطہ غاتا پوسکن مواصلاتی آسراتی تا کمک اٹ ویل آتا بروخت پیدواری و اوفتا دمدستی ایسری کن گام گیج چست کننگ انگ ءِ، حاجی محمد خان لہڑی پارے کہ ننا پبی کوشست مریک کہ اسکول آن پیشن ساڑی ہرچناءِ تعلیم نا زیور آن آراستہ کننگے و داخیر انا کاریم کن کمیونٹی ءِ ہم تینا راجی و سماجی زمواری تا درشانی ءِ کرسا حکومتی گام گیج آتون تفوئی مریک۔
