ایس ایس پی جعفر آباد ایاز احمد بلوچ نا شہید رحیم بخش مری پولیس لین ڈیرہ اللہ یار اٹی ریٹائرڈ پولیس ملازم آتا شرف اٹی اڈ تروک آ سپاروکی دود آن تران

جعفرآباد۔ 18اکتوبر (اے پی پی) ایس ایس پی جعفر آباد ایاز احمد بلوچ پارینے کہ مرک و زیست آمبار ملازمت آن ریٹائرمنٹ ہم انسان نا زند انا المی ءُ جزو اسے ہراڑآن ہچ وڑاسے ٹی انکار مننگ کپک، محکمہ پولیس نا ریٹائرڈ ملازم آک اونا نہادی میرات آک ءُ، اوفتا شرحالی کن ہرممکنہ گام گیج کننگک۔ داخیال آتا درشانی ءِ او شہید رحیم بخش مری پولیس لین ڈیرہ اللہ یار اٹی آئی جی بلوچستان نا پرمان آ ریٹائرڈ پولیس ملازم آتا شرف اٹی اڈ ہلوک آ اسہ سپاروکی دود اسے آن تران کرے۔ دود آن ایس ایس پی جعفر آباد ایاز احمد بلوچ تون اوار ڈپٹی کمشنر جعفر آباد آغاشیر زمان پٹھان، ایس ایس پی صحبت پور نجیب اللہ پندرانی تینا تران اٹی ریٹائرڈ ملازم آتا خذمت آتا ستاءِ کرسا پارے کہ اوک تینا زند انا بنائی نہادی سال ءِ الس نا خذمت کن وقف کریر، ہراڑکن او یقیناًخراج تحسین نا حقدار ءُ۔ داسہ ملازمت آن دزکش مننگ آن پد ہم اوفتے تینا لائخی تے تینا محکمہ و الس نا بھلائی کن کاریم اٹ بایدے اتوئی مرے تانکہ ریٹائرمنٹ نا باوجود ملک و قوم اوفتا لائخی تیان فائدہ دوئی کننگ کے۔ دود اٹی ایس ایس پی جعفرآباد ایاز احمد بلوچ، ڈپٹی کمشنر جعفر آباد آغا شیر زمان پٹھان ، ایس ایس پی صحبت پور نجیب اللہ پندرانی ، ایس ایس پی بولان عبدالحق بلوچ، اے ڈی آئی جی نعیم خان، اے ڈی سی محمد یعقوب بنگلزئی ، اسسٹنٹ کمشنر کاشف نبی کھوڑو، ڈی ایس پی سبحان علی مگسی ریٹائرمروک آ ملازم آتے ٹی اعزازی شیلڈ بشخ وپانٹ کریر۔ دود انا ایسری آ ریٹائرڈ ملازم و ایلو فتا شرف اٹی اسہ اِرغ اسے نا بست وبند ہم کننگا۔ دوداٹی اسٹیج سیکرٹری نا فرض ءِ محمد اشرف چدھڑ سرانجام تس۔ دود اٹی ڈی ایس پی سرکل ڈیرہ اللہ یار آصف فراز مستوئی، آفس سپریڈنٹ ایس ایس پی جعفر آباد حاجی صلاح الدین بہرانی، آفس سپریڈیٹیٹ ڈی سی جعفر آباد عبدالصمد کھوسہ، سی آئی اے انچارج ملک عبدالمجید آرائیں تون اوار پولیس آفیسر و صحافی برادری شرکت کرے۔