اسلام آباد۔ 17 اکتوبر (اے پی پی) وزیراعظم عمران خان تون کونسل آف بزنس نا راہشونک چارشنبے نادے داڑے اوڑدہی کریر۔ اوڑدہی کروک آتے ٹی محمد علی ٹبہ، بشیر علی محمد، ثاقب شیرازی ، ثمینہ رضوان ، بابر بدات ، خاور انور خواجہ و ایلو پنی آ کاروباری شخصیت آک اوار ئسر۔ داوخت آ وزیر خزانہ اسد عمر، وزیراعظم نا سلاہکار واپار عبدالرزاق داؤد، زرکاری بورڈ انا چیئرمین ، گورنر اسٹیٹ بینک و سینئر کمامدارآک ہم ساڑی ئسر۔ کاروباری راہشونک معیشت نا سوگوی ، صنعت، کشت وکشار و آئی ٹی نا بشخ آتا شونداری و برآمد آتا مون آ دننگ کن مون تروک جتا ویل آتا پیدواری ءِ کریر و دابابت سلاہ ہم پیش کریر۔
