اسلام آباد۔ 17 اکتوبر (اے پی پی) صدر مملکت ڈاکٹر عارف علوی بنجائی انشورنس محتسب آ زورشاغانے کہ انفارمیشن ٹیکنالوجی نا کاریم اٹ اتنگ آن ادارہ نا کارکڑد ءِ پین گچین جوڑ کننگے۔ اوداہیت ءِ بنجائی انشورنس محتسب محمد رئیس الدین پراچہ تون ہیت وگپ کرسا پارے ہراچارشنبے نادے ایوان صدر اٹی اوڑتون اوڑدہی کرے۔ صدر مملکت پارے کہ بنجائی انشورنس محتسب نا خلقت ءِ انصاف نا فراوانی ٹی بے کچ اہم ءُ کڑد اسے۔ اوداہیت انا گرج ءِ تالان کرے کہ صارف ءِ کلیم مسترد مننگ آ اپیل نا بابت پورو آگاہی فراوان کننگے۔
