اسلام آباد۔ 17 اکتوبر (اے پی پی) بنجائی وزیر اطلاعات و نشریات چوہدری فواد حسین پارینے کہ حکومت تجاوزات آتابرخلاف بے پرخ آپریشن نا کمک اٹ ارب آ روپئی مالیت نا سرکاری ڈغار تے واگزار کرفینے، تجاوزات آتا برخلاف جاری آپریشن نا بدنامی کن سوشل میڈیا غا دروغ انا ویڈیو کلپ تالان کننگ انگ ءِ، الس داجعلساز آتیان ہوشیار مرے۔ چارشنبے نادے تینا ٹویٹ اٹی بنجائی وزیر اطلاعات و نشریات چوہدری فواد حسین پارے کہ تجاوزات آتا برخلاف آپریشن نا مسخت نیزگاراسے، خواری کش اسے، مزور اسے نسخان تننگ نا اف، حکومت بیرہ کانود نا خلاف ورزی کروک آتا برخلاف کارروائی نا پارت کرینے۔ اوپارے کہ سوشل میڈیا غا انسداد تجاوزات آپریشن نا بدنامی کن دروغ انا ویڈیو کلپ تالان کننگ انگ ءِ، الس دا جعلساز آتیان ہوشیار مرے۔
