اسلام آباد۔ 17 اکتوبر (اے پی پی) پاک بحریہ نا سروک ایڈمرل ظفرمحمود عباسی تون ترکی نا نائب وزیر دفاع محسن دیری اوڑدہی کرے ہراٹی ہڑتوم آ کنڈآتا دفاعی کمکاریءِ پین ودفنگ آ خیال آتا درشانی ءِ کننگا۔ ساڑی ہی ٹی پاک بحریہ ٹی اوار مروک آ فلیٹ ٹینکر پی این ایس کمکار دا اواری نا گچین ءُ مثال اسے۔ ترجمان پاک بحریہ نا رداٹ چارشنبے نادے ترکی نا نائب وزیر دفاع محسن دیری نیول ہیڈ کوارٹر زاسلام آباد نا دورہ ءِ کرے ہراڑے او پاک بحریہ نا سروک تون اوڑدہی کرے۔ پاک بحریہ نا سروک ایڈمرل ظفرمحمود عباسی علاقائی امن و سوگوی ٹی پاک بحریہ نا کڑد ءِ مون آ تخا۔ ترکی نا وزیر دفاع علاقائی بحری امن اٹی پاک بحریہ نا کوشست آتا ستاءِ کرے۔

متعلقہ مضامینمصنف کی طرف سے مزید