اسلام آباد۔ 17 اکتوبر (اے پی پی) بنجائی وزیر مذہبی امور ڈاکٹر نور الحق قادری پارینے کہ وزیراعظم عمران خان ملکی راج ءِ علم دوست راج اس جوڑ کننگ خواہک ، حکومت وزیراعظم ہاؤس ءِ یونیورسٹی نا وڑاٹ ہُننگ خواہک ہرا دانا علم دوستی نا شاہدی اسے۔ قدرت اسلامی دنیا ءِ قدرتی وسیلہ غاتیان مالامال کرینے۔ او چارشنبے نادے نمل یونیورسٹی اسلام آباد اٹی ’’عصر حاضر اٹی مسلم راج ءِ مون تروک فکری و اخلاقی ویل و اسلامی رداٹ اوفتاایسری‘‘ نا سرحل آ چارمی 2دے ئی جہانی کانفرنس آن تران کریکہ۔ ڈاکٹر نورالحق قادری پارے کہ کانفرنس نا سرحال ہندا وسیع و ضخیم ءِ کہ دانا احاطہ ممکن اف۔ وزیراعظم عمران خان پاکستانی راج ءِ علم دوست راج اس جوڑ کننگ خواہک۔ اوپارے کہ حکومت وزیراعظم ہاؤس ءِ یونیورسٹی نا وڑاٹ ہُننگ خواہک ہراڑآن اونا علم دوستی چمکک۔
