اسلام آباد۔ 17 اکتوبر (اے پی پی) بنجائی وزیر ریلوے شیخ رشید احمد نا سخت خواری نا سوب پاکستان ریلوے ءِ پوسکن آ حکومت نا اولیکو 50 دے تیٹی گدرینگوک آ سال انانسبت اسہ ارب روپئی نا ودکی کٹیا کرینے۔ اگست 2017 ء آن اکتوبر 2017 ء اسکان پاکستان ریلوے 5.7 ارب کٹیا کریسس وخت اس کہ اگست 2018 ء آن اکتوبر 2018 ء اسکان ادارہ 6.7 ارب روپئی کٹیا کرے۔ داہیت انا شاہدی ءِ کہ وزیر ریلوے شیخ رشید احمد نا خواری رنگ اتنگ ءِ ۔ دا 50 دے تیٹی پاکستان ریلوے نا ریونیو کٹیا نا استطاعت اٹی خاطر خواہ ودکی مسنے۔ بنجائی وزیر ادارہ نا کٹیا ٹی ودکی کرسا دادے کٹیا کروک ءُ ادارہ اس جوڑ کننگ کن کوشست کننگ اٹی ءِ۔
