اقوام متحدہ ۔16اکتوبر(اے پی پی) پاکستان ءَ گشتگ کہ سلامتی کونسل ءِ تپاک نامہ کہ آہاں کشمیری آں وت واجہی ءِ حک دیئگءِ سوگند کنگ بوتگ، بے آئیءَ کشمیر ءِ جیڑہءِ گیشءُ گیواری اقوام متحدہ ءِ نوآبادیاتی نظامءِ ہلاسی ءِ ایجنڈہ ناسرجم بیت۔ اے گپ آئیءَ اقوام متحدہ ءَ پاکستان ءِ مندوب ڈاکٹر ملیحہ لودھی ءَ جنرل اسمبلی ءِ ہاسیں کمیٹی نمبر چارگوں تران کنانءَ کتگ۔ آئیءَ گشتگ کہ وہدے کشمیر ی ءِ مردماں گوں کتگیں سوگند پیلو کنگ بیت اے اقوام متحدہ ءِ مدامی ناکامی والا جیڑہ بیت۔ آئیءَ گشتگ کہ بھارتءَ کشمیرءَ لاکھاں اُرد تعینات کتگ کہ آہودہ آہاں زلمءُ ناحکی گیش کتگ، کشمیری آنی وت واجہی ءِ جائزءُ کانودی لوٹءَ را لگت مال کنگءَ بھارتی سکیورٹی فوج ءَ لٹءُ کٹءُ زُلمءُ ناحکی ءَ را گیش کتگ۔ ڈاکٹر ملیحہ لودھی ءَ گشتگ کہ پہ انسانی حقاں کار کنگءِ ہائی کمشنر ءِ ادارگ ءَ وتی انوگیں رپورٹءَ ہم مقبوضہ کشمیر ءَ انسانی حکانی لگت مالی ءِ باروا گپ کتگ۔
