اسلام آباد۔ 16اکتوبر (اے پی پی) سویلی وزیرستان ، اورکزئی و ضلع کرم اٹی عارضی وڑاٹ بے اُرا مروک آ بندغ آتا واپسی نا عمل پورو مس۔ قبائلی ضلع غاتا تعمیر نو و بحالی نا ادارہ نا کمامدارآتارداٹ آپریشن ضرب عضب آن زہمی مروک آ قبائلی ضلع غاتا عارضی وڑاٹ بے اُرا بندغ آتا ضلع سویلی وزیرستان ، اورکزئی و ضلع کرام اٹی واپسی نا عمل ءِ پورو کننگانے۔ سویلی وزیرستان نا 71 ہزار 124خاہوت آپریشن آن زہمی مسوسر ہرا تینا باوہ پیرہ ہی علاقہ غاتے ٹی پدی سرمرسا بحالی و تعمیر نو نا کاریم تے ٹی بشخ ہلنگ ءُ وخت اس کہ او تینا ہند آتے جوڑ کننگ نا ہم بناءِ کرینو۔ ہندا وڑ ضلع اورکزئی نا 35ہزار 823 خاہوت زہمی مسوسر ہرا فتا واپسی نا عمل پورو مسنے۔ ضلع اورکزئی نا بے اُرا مروک آ بندغ آتے ہند آتا معاوضہ غاتا ادائیگی نا عمل ہم برجاءِ۔ کمامدارآتارداٹ ضلع کرم نا عارضی وڑاٹ بے اُرا مروک آ بندغ آتا واپسی نا عمل ہم پورو مسنے ہرافتا کچ 33ہزار 24خاہوت ئس۔ کمامدارآتارداٹ ضلع غاتا ضلع قطبی وزیرستان ، ضلع خیبر اٹی واپسی نا عمل برجاءِ ہرا اینخو نا سال دسمبر اسکان پورو مننگ نا گمان ءِ۔
