شاریک دا مہم اٹی پبی بشخ ہلسا چناتے سورک آن بچفنگ کن رکھی ٹیکہ خلفنگ ءُ
اسلام آباد۔ 16اکتوبر (اے پی پی) مچ آ ملک اٹی سورک کون آ ہلوک آ ناجوڑی نا توننگ کن قومی مہم 15اکتوبر آن بناکرسا 27 اکتوبر اسکان برجاسلک۔ وزارت جان جوڑی نا ذرائع نا رداٹ سورک آن بچفنگ نا قومی مہم اٹی 9 تُوآن 5سال اسکان نا چناتے دا ناجوڑی آن بچفنگ کن ٹیکہ خلنگک۔ شاریک داسورک مہم اٹی پبی بشخ ہلسا 9 تُو آن 5سال اسکان نا چناتے سورک آن بچفنگ کن ٹیکہ خلفنگ ءُ۔ سورک اسہ ہلوک ءُ ناجوڑی اسے ہرا اسہ چناغان ایلو چناءِ ہلیک۔ دانا نشانی تے ٹی جکنگ، بامس آن دیر بننگ ، دروشم و خن تا خیسن مرسا اوفتیان دیر بننگ ءِ۔ وزارت جان جوڑی الس آن خواست کرینے کہ او دا ناجوڑی آن بچفنگ کن رکھی تدابیر ءِ المی جوڑ کیر و تینا 9 تُوآن 5سال اسکان نا چناتے رکھی ٹیکہ خلفنگ تون اوا راوار تینا خڑک انا علاقہ ٹی ہیلتھ ورکر یا خڑک انگا سرکاری جان جوڑی بنجا تون رابطہ کیر۔
