اسلام آباد ۔ 15 اکتوبر (اے پی پی)صدر مملکت ڈاکٹر عارف علوی ءَ گوشت کہ پاکستان ءُُ چین ءِ جوانیں سٹرٹیجک شریکداری است ءُُ پاکستان چین ءِ گوما یکوئی آناں سک باز ارزشت دنت۔ آئی ءَ اے گپ پاکستان ءَ چین ءِ سفیر ژاؤ جنگ ءَ گوں گپ ءُُ تران کنان ءَ کت آئی ءَ دوشمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ سفیر ءَ چینی صدرشی جن پنگ ءِ نیمگ ءَ ڈاکٹر عارف علوی ءَ را صدر بوھگ ءِ پد ءَ مبارک بات دات۔ اے موہ ءِ سر ءَ صدر ءِ مملکت ءَ گوشت کہ پاکستان چین ءِ گوما پاک ۔ چین اقتصادی راہداری ءِ منصوبگ آنی سر ءَ جوانیں ءُُ کمک ءَ جاڑی دار ایت۔ آئی ءَ گوشت کہ سی پیک دو نیمگی اقتصادی رابطہ آناں گیش مھکم کنگ ءَ جوانیں کرد ءَ پیلو کنت۔ آئی ءَ امیت سہرا کت کہ مزن وزیر عمران خان ءَ را آیوکیں چین ءِ تر ءُُ تاب ءِ پد ءَ دوئیں ملک آنی نیام ءَ سٹرٹیجک یکوئی گیش مھکم بنت اِنت۔
