صدر مملکت ڈاکٹر عارف علوی نا’’جہانی جوہری تالان کپننگ نانظام‘‘ چیلنج و ردعمل‘‘ نا سرحال آ جہانی کانفرنس آن تران

اسلام آباد۔ 15اکتوبر (اے پی پی) صدر مملکت ڈاکٹر عارف علوی پارینے کہ حکومت راجی بشخ انا شونداری کن پرعزم ءِ۔ پاکستان جوہری سلہہ غاتا رُمب اٹی اوار اف، ڈیہہ نا غٹ ملک آتے ٹی امن و سوگوی نا خواہندار ءِ۔ دوشنبے نادے داڑے ہندی ہوٹل اٹی اسٹریٹجک اسٹڈیز انسٹیٹیوٹ اسلام آباد نا کنڈآن ’’جہانی جوہری تالان کپننگ نا نظام: چیلنجز و ردعمل ‘‘ نا سرحال آ جہانی کانفرنس آن تران کرسا او پارے کہ جوہری سلہہ غاک بیرہ دفاع کن ءُ، پاکستان دنیا ٹی جوہری تالان کپننگ نا مخ تف ءِ۔ اوپارے کہ جہانی امن ءِ مون تروک خلیس آتون اسیجائی وڑاٹ مون تننگ مریک۔ پوسکن آ ٹیکنالوجی نا کاریم اٹ اتنگ نا بابت جہانی کہول آ کانودسازی نا گرج ءِ۔ کشمیر نا ویل سویلی ایشیا ٹی جھیڑہ نا بنداوی سوب ءِ۔ صدر مملکت پارے کہ ہمسایہ ملک انا جوہری آزموندہ غاک ڈیہہ ءِ جوہری سلہہ غاتیان پاک کننگ اٹ اڑاند جوڑ مسر۔ پاکستان نا جوہری پروگرام آئی اے ای اے نا قاعدہ و ضابطہ نا رداٹ ءِ۔ پاکستان چاگڑدی بدلی آن زہمی مروک آ اولین ملک آتے ٹی اوار ءِ۔ ایٹمی توانائی نا کاریم اٹ اتنگ آن ملک اٹی چاگڑدی آلودگی نا خلیس آتے کم کننگ مریک۔ اوپارے کہ جوہری تالان کپننگ نا کوشست آتے ٹی پاکستان تعلقدارادارہ غاتون کمک کن تیار ءِ۔