اسلام آباد۔ 15اکتوبر (اے پی پی) دفترخارجہ نا ترجمان پارینے کہ سعودی صحافی عدنان خشوگی نا بے گواہی نا معاملہ غا جاست وپاست جاری ءِ و دانا نتیجہ غاتا انتظار ہی جوان مریک۔ دوشنبے نادے داڑے جاری بیان اٹی ترجمان دفتر خارجہ میڈیا نا کنڈآن سعودی صحافی نا بے گواہی نا بابت سوج آ پارے کہ ننے سماءِ کہ دا معاملہ غا جاست و پاست مننگ ءِ و جوان انگا ہیت دادے کہ دارداٹ مروک آ جاست وپاست نا انتظار ءِ کننگے۔ ترجمان دا معاملہ ٹی سعودی عرب و ترکی نا اسیجا کوشست آتا ستاءِ کرے۔ ترجمان پارے کہ پاکستان نا سعودی عرب و ترکی ہڑتوم آتون خڑکی برادرانہ تعلقداری ءِ، پاکستان ءِ اومیت ءِ کہ ہڑتوم آ ملک آک دا معاملہ ءِ اواری اٹ ایسر کیرہ۔
