اسلام آباد۔ 15اکتوبر (اے پی پی) بنجائی وزیر ڈٹ بندی ، شونداری و اصلاحات مخدوم خسرو بختیار پارینے کہ ضمنی گچین کاری تیٹی پاکستان تحریک انصاف نا کٹنگ پوسکن آ حکومت آ الس نا پت انا صفاءُ شاہدی اسے۔ ’’اے پی پی‘‘ تون خصوصی ہیت وگپ اٹی اوپارے کہ پاکستان خاص کر رحیم یار خان نا پی ٹی آئی ورکرز و الس پی ٹی آئی نا اومیت دار ءِ صفا وڑاٹ سرسہب کرفینو ہراڑآ او اوفتا منت واری ءِ ہرفک۔ پنجاب اسمبلی نا صوبائی حلقہ پی پی 261رحیم یار خان 7آ ضمنی گچین کاری تا نتیجہ بسنے، دانشست آ پی ٹی آئی نا اومیت دار فواد خان زبردست سرسہبی دوئی کرے۔ او 29526وونٹ ہلک وخت اس کہ اونا مقابلہ ٹی پی پی نا اومیت دار مخدوم حسن رضاہاشمی 14995 وونٹ آتے اٹ ارٹ میکو نمبر آ ئس۔
