اسلام آباد۔ 15اکتوبر (اے پی پی) بنجائی وزیر اطلاعات و نشریات چوہدری فواد حسین نا پارت نا رداٹ پاکستان ٹیلی ویژن و ریڈیو پاکستان اٹی 2008 ء آن پد تعینات مروک آ ملازم آتا ڈگری تے پک کننگ کن بورڈ اس ٹہیفنگانے، وزارت اطلاعات نا ڈائریکٹر جنرل انٹرنل پبلسٹی ونگ انا سرکڑدہ ہی ٹی مسہ باسکی بورڈ ڈگری تے پک کننگ نا کاریم ءِ سرانجام ایتک۔ بنجائی وزیر پارے کہ ڈگری تے پک کننگ نا عمل ءِ اسہ تُو اٹی پورو کننگک۔ داعمل اٹی ایچ ای سی نا نمائندہ ہم بطور کمکار شریک مریک۔ اوپارے کہ ڈگری تے پک کننگ نا عمل نا بناء سینئر آفیسر آتے اٹ کننگک و جونیئر آفیسر آتون اوار غٹ ملازم آتا ڈگری تے پک کرفنگک۔ اوپارے کہ ایچ ای سی ہرا آفیسر و ملازم آتا ڈگری تے پک کپک ، او تینا ہلوک آ تنخواہ تے واپس کیرہ۔ اوپارے کہ دُن انگا بندغ آتے ملازمت آ تخوک آتے ہم نوٹس جاری کننگک۔
