اسلام آباد۔ 15اکتوبر (اے پی پی) قومی و صوبائی اسمبلی تا مروک آ ضمنی گچین کاری تیٹی تحریک انصاف 15نشست آتون مونی ، مسلم لیگ (ن) 11نشست آتون اوار ارٹ میکو نمبر آ ئس۔ الیکشن کمیشن نا کنڈآن دوشنبے نادے ضمنی گچین کاری تیٹی جاری کروک آ پارٹی پوزیشن نا رداٹ تحریک انصاف قومی اسمبلی نا 4، کے پی کے اسمبلی نا 6 و پنجاب اسمبلی نا 5نشست آتیا سرسہبی دوئی کرے۔ مسلم لیگ (ن) قومی اسمبلی نا 4، کے پی کے اسمبلی نا اسہ و پنجاب اسمبلی نا 6نشست آتیا سرسہبی دوئی کرے۔ پاکستان مسلم لیگ (ق) قومی اسمبلی نا 2نشست آتیا سرسہبی دوئی کرے۔ عوامی نیشنل پارٹی کے پی کے اسمبلی نا 2، پیپلزپارٹی سندھ اسمبلی نا 2، ایم ایم اے قومی اسمبلی نا اسہ نشست اس دوئی کرے وخت اس کہ پنجاب اسمبلی آن 2 و بلوچستان اسمبلی آن اسہ آزاد اومیت دار اس سرسہب مس۔
AN/SMH
