اسلام آباد ۔13 اکتوبر(اے پی پی)راجی ءُُ صوبائی اسمبلیانی ضمنی الیکشن ءِ درگت ءَ پولنگ مروچی بیت۔ الیکشن کمیشن ءَ1727 پولنگ اسٹیشناں ءَ را حساس گوشتگ انت، ضمنی الیکشن ءِ تہ راجی اسمبلی ءِ 11 ءُُ صوبائی اسمبلیانی 24 نشستانی سرا پولنگ بیت۔ حساس گوشتگیں پولنگ سٹیشن آنی تہ پنجاب ، اسلام آباد، اٹک، راولپنڈی، چکوال، گجرات، فیصل آباد، لاہور، جہلم، ٹوبہ ٹیک سنگھ، ساہیوال، ملتان، رحیم یار خان ءُُ ڈی جی خان، سندھ ءِ کراچی ایسٹ، خیرپور، ملیر، صوبہ خیبر پختونخوا ءِ بنوں، سوات، صوابی، مردان، نوشہرہ، پشاور ءُُ ڈیرہ اسماعیل خان، بلوچستان ءِ مستونگ ءُُ خضدار ءِ لہتیں پولنگ اسٹیشن حساس گوشگ بوتگ ات۔الیکشن کمیشن ءِ ردا دراھیں پولنگ اسٹیشنانی تہ الیکشن ءِ چیز سر کنگ بوتگ ات۔ قومی اسمبلی ءِ 11 نشستانی ھاتراکل 122 امیتوار انتخابی میدان ءَ انت۔ قومی اسمبلی ءِ 11 حلقہ ءَ این اے 131 لاہور، این اے 124 لاہور II، این اے 103 فیصل آباد III، این اے 35 بنوں، این اے 243 کراچی، این اے 69 گجرات، این اے 65 چکوال، این اے 63 راولپنڈی، این اے 60 راولپنڈی، این اے 56 اٹک ءُُ این اے 53 اسلام آبادھوارا نت ۔ صوبائی اسمبلی ءِ 24 نشستانی ھاترا مچ ءَ 370 امیتوارانی تہ مقابلہ بیت۔ پنجاب ءِ صوبائی اسمبلیانی ھاترا مچ ءَ 218امیتوار دیم پہ دیم انت۔اے وڈ ءَ سندھ، خیبرپختونخوا ءُُ بلوچستان اسمبلی ءِ نشستانی سرا 57، 59 ءُُ 36 امیتواریکدومیگ ءِ دیم پہ دیم انت۔ الیکشن کمیشن ءَ اے حلقہ ءَ پولنگ ءِ ھاترا ترمیم بوتگیں ووٹر لسٹ ہمگرنچیں ضلعی واکدارانی ھوالہ ءَ کتگ ات۔
