اسلام آباد۔ 12 اکتوبر (اے پی پی) بُنجاھی وزیر برائے کانود ءُُ انصاف بیرسٹر فروغ نسیم ءَ گوشت کہ پاکستان ءُُ ترکی ءِ نیام ءَ نزیکیں دوستی ءُُ سیادی است۔ اے ھیالانی درشانی اائی ءَ آدینگ ءِ روچ ءَ اِدا ترکی ءِ نائب وزیر ءِ درئی کار یوآز سلیم کرن ءُُ ترکی ءِ معارف فاؤنڈیشن ءِ چیئرمین پروفیسر ڈاکٹر برول اکگن ءَ گوں گند ءُُ نند ءِ ساھت ءَ کت۔ ترکی ءِ نائب وزیر ءَ وزیر ءِ کانود ءُُ انصاف ءِ واستہ نیکیں واھگ آنی درشان کت۔ آئی ءَ ترکی ءِ سرکاری گل معارف‘‘ فاؤنڈیشن ءِ ساڑا کت ایش ترکی ءِ پارلیمانی کانود ءِ چیر دستی ءَ برجا کنگ بوتگ۔ گند ءُُ نند ءِ ساھت ءَ فاؤنڈیشن ءِ پاک ترک سکول ءِ انتظامی آنی بابت ءَ ضلوریگیں گامگیج آنی سر ءَ ھیال ریچی کت۔ پروفیسر برول اکگن ءَ گوشت کہ معارف فاؤنڈیشن 2016ءَ پاکستان انٹرنیشنل این جی او ءِ رنگ ءَ رجسٹرڈ کنائینگ بوتگ ایش 90ءَ چہ گیش ملک آنی تہ ءَ کار کنگ ءَ انت ءُُ 30ملک آنی تہ ءَ سکول ایشی یے است۔ آئی ءَ گوشت کہ لستیں بیم تالان کنوکیں گل نیک راھی ءُُ زانشت ءِ نام ءِ سر ءَ لستیں بندشیں چست ءُُ ایر آنی تہ ءَ دست مانجن اَنت ءُُ ایشاناں وتی یکوئی آناں ’’ہائی جیک ‘‘ کنگ ءَ نئیلاں۔ بُنجاھی وزیر کانود ءُُ انصاف بیرسٹر فروغ نسیم ءَ گل ءَ را وش اتک کنان ءَ گوشت کہ پاکستان ءِ ترکی ءُُ ترک الس ءِ گوما نزیکیں یکوئی است۔
