مزن وزیر عمران خان ءِ سروکی ءَ درملک پاکستانی ءُ انسانی آسراتی ءِ دیمروئی ءِ وزارت ءِ شونشت دیئگءِ دیوان

اسلام آباد۔12اکتوبر(اے پی پی ) مزن وزیر عمران خان ءَ درملکی پاکستانی ءُ انسانی آسراتی ءِ دیمروئی ءِ وزارت ءِ شونشت دیئگءِ دیوانءَ جمعہءِ روچءَ مزن وزیر کارگسءَ دیوانءِ سروکی کتگ کہ ایشی ءِ مولءُ مراد درملکءَ نندوکیں پاکستانی ءُ محنت کنوکاں ہمک وڑیں آسراتی سرکنگ۔ دیوانءَ مزن وزیر اوورسیز پاکستانیز ءِ ہاسیں کمک کار سید ذوالفقار بخاری، مزن وزیرءِ حال در ءِ ہاسیں کمک کار افتخار درانی، مزن وزیرءِ ہزانگ سیکرٹری، سیکرٹری اوورسیز پاکستانیز ءُ انسانی آسراتی ءِ دیمروئی ، چیئرمین ایف بی آر ، چیئرمین نادرا، اسٹیٹ بینک آف پاکستان ، ایف آئی اے ءُ سول ایوی ایشن اتھارٹی ءِ مزنیں حکام ہوار بوتگ اَنت۔ مزن وزیر ءَ گشتگ کہ درملکی پاکستانی ملک ءِ مڈی ءَ گیش کنگءَ ہاسیں کرد پیلو کُت کن اَنت۔ مزن وزیر ءَ درائیں محکمہ آں پنتءُ شون کتگ کہ آ قانونی چینلز ءِ وسیلگءَ زر دیم دیئگءَ را ارزان کنگ ءَ زوت نوکیں رھبند جوڑ بہ کنت۔