اسلام آباد۔12اکتوبر(اے پی پی) انسانی حکانی بنجائی وزیر ڈاکٹر شیریں مزاری ءَ گشتگ کہ پاکستان کشمیری اُلس ءِ پہ وتی وت واجہی ءِ ھاترءَ جدوجہدءَ گوں ہمراہ داری کنت، انوگیں حکومت اے دیریگیں جیڑہ ءِ گیشءُ گیواری کنگءَ بیان بازیءِ بدل ءَ عملی گامگیج کنگءِ جزم کتگ۔ اے حیالانی درشانی آئیءَ جمعہ ءِ روچءَ کنوینئر غلام محمد صافی ءِ سروکی ءَ کل جماعتی حریت کانفرنس ءِ ڈل ءَ گندءُ نندکنانءَ کتگ۔ ڈل ءَ سید فیض نقشبندی ، محمود احمد ساغر، عبدالحمید لون، راجہ خادم حسینءُ شمیم شاد ہوار بوتگ اَنت۔ آئیءَ مقبوضہ کشمیر ءَ انسانی حکانی انوگیں جاورحال ہاس کشمیر ءِ ہوالگءَ اقوام متحدہ ءِ کارگس ءِ انسانی حکانی ہائی کمشنر ءِ رپورٹ ءُ اے جیڑہ ءِ گیشءُ گیواری ءِ ہوالگءَ حیالءُ لیکہءِ درشانی کتگ۔ بھارتی مقبوضہ کشمیر ءَ انسانی حکانی حلاپ ورزی ءُ کشمیری اُلس ءِ دیریگیں حکاں چہ زھبار کنگءِ ہوالگءَ حیالءُ لیکہ ءِ درشانی کنگ بوتگ۔
