اسلام آباد۔ 12اکتوبر (اے پی پی) قبائلی ضلع غاتا عارضی وڑاٹ بے اُرا مروک آ بندغ آتے ٹی 46ہزار 188 ہند آتا معاوضہ غاتا مد اٹی 14ارب 8 کروڑ روپئی بشخ وپانٹ کننگانے۔ قبائلی ضلع غاتا پوسکن جوڑ جاڑ و بحالی نا پروگرام منیجر شکیل اقبال جمعہ نادے اے پی پی تون ہیت وگپ کرسا پارے کہ قبائلی ضلع غاتا عارضی وڑاٹ بے اُرا مروک آ بندغ آتے ٹی ہند آتا معاوضہ غاتا بشخ وپانٹ نا چرجوئی برجاءِ۔ داوخت اسکان 46ہزار 188 ہند آتا معاوضہ 14ارب 8 کروڑ روپئی بشخ وپانٹ کننگانے۔ اوپارے کہ قبائلی ضلع غاتے ٹی ہند آتا سروے نا عمل برجاءِ ہرا اینخو نا سال دسمبر اسکان برجاسلک۔ سروے ٹیمک داوخت اسکان 84ہزار ہند آتا سروے نا عمل ءِ پورو کرینو ہرافتے ٹی 38 ہزار اُراتا معاوضہ غاتا ادائیگی کننگ سلوک ءِ۔ اوپارے کہ ایلو ماندہ اُراتا معاوضہ غاتا ادائیگی کن بنجائی حکومت تون رابطہ ٹی ءِ۔ بنجا نا کنڈآن گرانٹ ملنگ آن پد 38 ہزار اُرا تا مالک آتے ہم معاوضہ غاتا ادائیگی نا چرجوئی بناکیک۔
