اسلام آباد۔ 11اکتوبر(اے پی پی) راجی اسمبلی ءِ اسپیکر اسد قیصر ءَ گشتگ کہ درائیں راجی جیڑہءُ جنجالاں مزن گسءِ وسیلگءَ چہ گیشءُ گیوار کنگ پہ ملک ءَ پائدگ مند ایں ، مارا وت مہ وت ءِ کستءُ کینگ شموشگءُ ملکی سلامتی ءُ معاشی مھکمی ءَ کار کنگ لوٹ ایت۔ پنچ شمبے ءَ مزن گس ءَ تحریک انصاف پنجاپ ءِ بنجائی رہنما اعجاز احمد چوہدری ءَ گندءُ نند کتگ۔ گندءُ نندءِ تہا ملک ءِ سرجمیں سیاسی ءُ معاشی جاورحال ءِ سرءَ حیالءُ لیکہ ءِ درشانی کنگ بوتگ۔ اے موہءَ راجی اسمبلی ءِ اسپیکر ءَ گوں گپءُ تران کنانءَ تحریک انصاف پنجاپ ءِ صدر اعجاز احمد چوہدری ءَ گشتگ کہ اُلس ءَ را انوگیں مزن گسءَ گوں مزنیں اُمیت است، اُلس ءِ اُمیتاں پیلو کن اَں، پنجاپ ءَ تحریک انصاف ءِ حکومت اُلسی جیڑہءُ جنجالءِ گیشءُ گیواری کنگءَ جنگی بنیاتاں گامیگج چست کنگ ءَ اِنت۔
