اسلام آباد۔11اکتوبر(اے پی پی ) ملک ءِ صدر ڈاکٹر عارف علوی ءَ گشتگ کہ پاکستان مصر ءَ گوں وتی نزیکیں سیادی ءَ را سک باز ارزشت دنتءُ دوئیں ملک آنی نیامءَ سیاسی ، اقتصادی ءُ بیپاری سیادیءَ را گیش مھکم کنگءِ واہشت ءَ کنت۔ آئیءَ اے گپ پاکستان ءَ مصر ءِ سفیر احمد فضل یعقوب ءَ گوں گپءُ تران کنانءَ کتگ کہ آ یاں پنچ شمبے ءِ روچءَ ایوان صدرءَ گندءُ نندکتگ۔ سفیر ءَ مصر ءِ صدر عبدالفتح السیسی ءِ نیمگءَ چہ ڈاکٹر عارف علوی ءَ را عہدگ سنبھالگءَ مراد بات داتگ۔ صدرءَ اے گپ ءِ سرءَ زو ر پِرداتگ کہ دوئیں ملک آنی نیامءَ دونیمگی سیادیءِ روہتگ یک وڑیں دودءُ ربیدگ ءُ عقیدت ءَ گوں بندوک اَنت۔ آئیءَ اُمیت درشان کتگ کہ مصر ءِ سفیر دوئیں ملک آنی نیامءَ سیادی ءَ را گیش مھکم کنگءَ وتی کردءَ پیلو کنت۔
