50لکھ اُراتا جوڑ جاڑ نا ڈٹ آن پدسلوک آ تپہ ءِ ہڑزآن اُرا، روزگار نا 60لکھ وارخواہی ودی مریک، ڈٹ 40 صنعت آتے کن طلب ودی کیک، وزیراعظم عمران خان نا ٹویٹ

اسلام آباد۔ 11اکتوبر (اے پی پی) وزیراعظم عمران خان پارینے کہ 5سا ل اٹی 50لکھ اُراتا جوڑ جاڑ کون آ شاندار ڈٹ انا بناءِ کرینن ہراڑآن راج انا پد سلوک آ تپہ غاتے ہڑزآن اُرا فراوان مریک۔ پنچ شنبے نادے تینا ٹویٹ اٹی وزیراعظم پارے کہ داڈٹ آن روزگار نا 60 لکھ وارخواہی ودی مریک۔ داڈٹ جوڑ جاڑ آتون براہ راست گنڈوک 40 صنعت آتے کن طلب ودی کیک و داڈٹ آن پیشن نا زرکاری ءِ ہم اتنگ مریک۔