اسلام آباد۔ 11اکتوبر (اے پی پی) صدر مملکت ڈاکٹر عارف علوی پارینے کہ قوم سرسوز و صاف پاکستان مہم نا سرسہبی کن پبی کمک کے، صفائی نصف ایمان ءِ و دانا تعلق براہ راست جان جوڑی تون ءِ، صفائی و پاکیزگی آن نن تینے و راج ہم جان جوڑ مریک، کچرہ تے ٹھکانہ خلنگ کن مربوط نظام اس تینا کننگے، پلاسٹک نا جوڑ گڑاتیان پاناد کننگے۔ اوداہیت ءِ ’’کلین اینڈ گرین پاکستان مہم‘‘ نا بابت پنچ شنبے نادے تینا ویڈیو کلہو اٹی پارے۔ صدر پارے کہ پاکیزگی نا ہدایت اللہ تعالیٰ کرینے۔ اوپارے کہ حکومت داہیت انا بیڑہ ءِ ہرفینے کہ الس اسکان دا ہیت ءِ سرکننگے کہ پاکستان اٹی آلودگی ودنگ ءِ و ملک اٹی کچرہ و گندگی نا بابت قومی مسخت نا پیش نظر ننے دا ویل ءِ چست کروئی مریک تانکہ صاف مرے، دانا تعلق براہ راست ننا جان جوڑی تون ءِ۔
