اسلام آباد۔ 11اکتوبر (اے پی پی) ڈپٹی چیئرمین سینیٹ سلیم مانڈوی والا تون انڈونیشیا، تھائی لینڈ ، بوسنیا و ہرزیگوینیا نا ڈل آک جتا جتا اوڑدہی کرینو، و ہڑتوم آ کنڈآتا تعلقداری تے مون آ دننگ آ امناکرینو۔ انڈونیشیا نا ڈپٹی اسپیکر تون اوڑدہی ٹی سلیم مانڈوی والا ملائیشیا ٹی ساڑی آ سونامی ٹی مروک آ تپاخت آتیا است ہسونی نا درشانی ءِ کرے۔ اوپارے کہ پاکستان انڈونیشیا نا زمی جمب زہمی تا ہروڑ کمک ءِ کننگ کن تیار ءِ۔ ہڑتوم آ ملک آتانیام اٹ پارلیمانی تعلقداری تے سوگو کننگے، ہڑتوم آ راہشونک واپاری تعلقداری تے ودفنگ کن کاروباری بندغ آتے آسراتی تننگ آ امنا کریر سلیم مانڈوی والا پارے کہ انڈونیشیا تربیت یافتہ پاکستانی تے کن ویزہ نا شرط آتے آسان کے۔
