اسلام آباد۔ 11اکتوبر (اے پی پی) وزیر مملکت موسمیاتی بدلی زرتاج گل وزیر پارینے کہ عمران خان قوم اتون کروک آ وعدہ غاتے پورو کیک، منی لانڈرنگ نا چٹفنگ کن ہرا گام گیج آتے حکومت کننگ ءِ مستین اٹی اوفتا ہچ ءُ مثال اس ملیپک ، تجاوزات آتا برخلاف آپریشن بے پرخ کننگ انگ ءِ، الس نا مون آ جوابدہ مننگ نا پابند ءِ، کلین اینڈ گرین پاکستان ڈٹ ءِ سرسہب جوڑ کننگ کن ضلعی و تحصیل نا کہول آ سالڈ ویسٹ مینجمنٹ نا قیام ءِ عمل اٹ اتینہ۔ مایوسی تالان کروک آک بوز اٹ کونیرہ۔ پنچ شنبے نادے ’’اے پی پی‘‘ تون خصوصی ہیت وگپ کرسا اوپارے کہ صاف ستھرا و سرسوز پاکستان وزیراعظم عمران خان نا ویژن ءِ و دا ہموڈٹ ءِ ہراڑآ مستین نا حکومت آک ہیت کننگ ءِ ہم پسند کتورہ انتئے کہ اسٹیٹس کو نا سیاست دان وخت اس ہم ملک و قوم اکن سجفپسہ بیرہ کرپشن اوفتا اولیت آتے ٹی اوار مریک۔ اوپارے کہ وزیراعظم عمران خان کلین اینڈ گرین پاکستان کن شجرکاری تون صفائی ءِ ہم اہمیت تننگ ءِ ہراڑکن نن سالڈ ویسٹ مینجمنٹ ءِ ضلع و تحصیل نا کہول آ دینہ و دانا ارٹ میکو فیز اٹی سالڈ ویسٹ مینجمنٹ ہرا کچرا تے زیان کیک اوڑآن نن انرجی ودی کینہ۔
