اسلام آباد۔ 11اکتوبر (اے پی پی) چین پاکستان اقتصادی راہداری ڈٹ آن ملک اٹی شونداری و شونہالی نا اسہ پوسکن ءُ دور اس بناکیک، پاک چین اقتصادی راہداری ٹی گلگت بلتستان ءِ گیٹ وے مننگ نا شرف دوئی ءِ، راجی و انسانی شونداری نا ڈٹ، دیر ، توانائی و خور انا بشخ آتے ٹی زرکاری آن الس نا زند اٹی گچینی بریک۔ سی پیک سیکرٹریٹ کمامدارآک’’اے پی پی‘‘ ءِ پاریر کہ گلگت بلتستان دنیا نا عظیم مشی آ چرجوئی قراقرم ، ہمالیہ و ہندوکش انا سنگم آ واقع ءِ۔ جغرافیائی لحاظ اٹ گلگت بلتستان ءِ بھاز اہمیت دوئی ءِ۔ دنیا نا ایلو بڑزکو انگا ٹل کے ٹو تون اوار ہفت ءُ نیم ہزار میٹر آن بڑز 12ٹل گلگت بلتستان اٹی ءُ۔ گلگت بلتستان نا کل رقبہ 72ہزار مربع کلومیٹر ءِ و دانا 10ضلع ءُ۔ گلگت بلتستان نا موسیقی و روایتی رقص و میلہ علاقہ نازیبائی ءِ پین زیبدار کیک۔
