اسلام آباد۔ 11اکتوبر (اے پی پی) الیکشن کمیشن سمندر پار پاکستانی تے ضمنی گچین کاری ٹی وونٹ انا کاریم اٹ اتنگ کن اودیم کوڈ اس جاری کرینے۔ دانا کمک اٹ داووٹرآک 14اکتوبر آ مروک آ قومی و صوبائی اسمبلی نا 35 حلقہ غاتے ٹی مروک آ ضمنی گچین کاری ٹی ای میل نا کمک اٹ تینا حق رائے دہی ءِ کاریم اٹ اتنگ کیرہ۔ پاکستان نا تاریخ اٹی اولیکو وار سمندر پار پاکستانی تے وونٹ انا حق تننگانے وخت اس کہ الیکشن کمیشن نا کنڈآن سمندر پار پاکستانی تے بطور ووٹر اندراج کن تروک آ مد اٹی 7 ہزار آن زیات ووٹرآک دانظام نا رداٹ وونٹ انا حق ءِ کاریم اٹ اتنگ کن تینا اندراج ءِ کرفیر۔ غٹ آن زیات ووٹرآک وزیراعظم عمران خان نا خورک کروک مسہ حلقہ غاتے ٹی رجسٹریشن کرفیر۔
