اسلام آباد۔ 10 اکتوبر (اے پی پی) اسپیکر قومی اسمبلی اسد قیصر تون چارشنبے نادے آ گورنر خیبر پختونخواشاہ فرمان اوڑدہی کرے، اوڑدہی ٹی خیبر پختونخواٹی امن و ایمنی تون اوار جم اٹنگا سیاسی و معاشی حالیت آتیا خیال آتا درشانی ءِ کننگا۔ اسپیکر شاہ فرمان ءِ گورنر خیبر پختونخوانا منصب ءِ سنبھالنگ آ مبارکبادی تس۔ داوخت آ اسد قیصر پارے کہ ملک ءِ مون تروک چیلنج آتون مون تننگ کن بنجا و صوبہ غاتا نیام اٹ ہم گرنچی ءِ مون آ دننگ المی ءِ۔ ملک جوڑ جاڑ و شونداری و شونہالی نا دارومدار صوبہ و بنجانا نیام اٹ خوشگوار تعلقداری تیاٹی ءِ۔ اوپارے کہ شاہ فرمان نا خیبر پختونخوا بطور گورنر تعیناتی اسہ نیک شگون اسے، اونا راہشونی ٹی صوبہ شونداری نا کسر آ روان مریک۔ اسد قیصر پارے کہ ملک داوخت آ اسہ مشکل ءُ دور اسے آن گدرینگ انگ ءِ ملک ءِ دامشکل حالیت آتیان کشنگ کن غٹ ءِ اواری اٹ کاریم کروئی مریک۔
