اسلام آباد۔ 10اکتوبر (اے پی پی) اے ڈی بی مارشلنگ یارڈپیری، مغلپور ورکشاپ نا اپ گریڈیشن و ریلوے ملازم آتا کاریم نا کچ ءِ گچین جوڑ کننگ اٹ تکنیکی کمک فراوان کننگ کیک۔ داہیت ءِ اے ڈی بی نا کنٹری ڈائریکٹر شیاہانگ یانگ بنجائی وزیر ریلوے شیخ رشید تون ڈل اتون اوار چارشنبے نادے آ اوڑدہی ٹی پارے۔ بنجائی وزیر ڈل ءِ بخیر کرسا پارے کہ ریلوے نا اپ گریڈیشن ننا اولیت ءِ، پاکستان ریلوے کن ٹھوس سلاہ غاتیا کاریم کننگک۔ بنجائی وزیر پارے کہ ملکی مفاد پاکستان ریلوے نا اولیت ءِ۔ شیاہانگ یانگ پارے کہ اے ڈی بی پاکستان نا اسٹریٹجک شریدار ءِ۔ اوصفا کرے کہ اے ڈی بی مارشلنگ یارڈپیری ، مغلپور ورکشاپ نا اپ گریڈیشن و ریلوے ملازم آتا لائخی تے گچین جوڑ کننگ اٹ تکنیکی کمک فراوان کننگ کیک۔ اوڑدہی ٹی چیئرمین جاوید انور ، سیکرٹری ریلوے بورڈ فرخ تیمور غلزئی و ڈی جی پلاننگ ایم یوسف ئسک ہم ساڑی ئسر۔
