اسلام آباد۔ 9 اکتوبر (اے پی پی) یو این ایڈز ءَ ملک ءَ ایچ آئی وی ءِ سر ءَ گر ءُُ دار کنگ ءِ چیلنج ءَ را گر ءُُ دار کنگ ءِ ھاترا نوکیں حکومت ءِ گامگیج آناں وش اتک کت۔ بُنجاھی وزیر برائے راجی جان سلامتی ریگولیشنز اینڈ کوآرڈینشن عامر محمود کیانی ءَ گوں یو این ایڈز ءِ پاکستان ءُُ اوگانستان ءِ واستہ کنٹری ڈائریکٹر ڈاکٹر ماریہ الینا بورو میو ءَ گند ءُُ نند کت ایشی ءِ ساھت ءَ آئی ءَ عامر محمود کیانی ءَ را وزیر ءِ راجی جان سلامتی جوڑ بوھگ ءِ پد ءَ مبارک بات دات۔ ماریہ الینا بورومیو ءَ آئی ءَ را گوشت کہ 2018ءِ جاڑیگیں گلوبل ایڈز رپوٹ ءِ رد ءَ پاکستان اولی ملک اِنت ایشی ءَ ٹراس جنیڈر ءِ پد ءَ سزا ایکٹ آف مئی 2018ءِ چیر دستی ءَ جواجہ سرا آنی ھک ءِ پاسداری کتگ ءُُ آوانی ھک ءِ رکھینگ ءِ واستہ رھبند جوڑ کتگ۔ دُگنیا ءِ ایندگر ملک آنی وڑ ءَ پاکستان ءَ ھم خواجہ سرا اانی لس زندمان ءِ تہ ءَ لگت مالی ءُ کوراسی ءِ گوما دیم پہ دیمی اِنت ءُُ ایشانی ایچ آئی وی سروسز ءَ سر بوھگ سک باز مشکل بوتگ۔ رپورٹ ءِ تہ ءَ گوستگیں 7سال آنی تہ ءَ 2010 ءَ بگر تاں ایچ آئی وی ءِ کیسز ءَ 45درسد گیشی ءِ سر ءَ نہ وشی ءِ درشان کتگ پاکستان ءَ الاج ءِ کوریج ایوک ءَ 7درسد انت وھدیکہ ایچ آئی وی ءِ گیشتر پاکستانی نادُراھ آناں اینٹی ریٹرو وائرل علاج ءِ ضلورت اِنت۔
