اسلام آباد۔ 09 اکتوبر (اے پی پی) وزیر خارجہ شاہ محمود قریشی تون امریکہ نا خصوصی ایلچی اوغانستان زلمے خلیل زاد سے شنبے نادے آ داڑے اوڑدہی کرے۔ خلیل زاد طالبان و اوغان حکومت نا نیام اٹ مصالحتی عمل نا چرجوئی ٹی پاکستان تون اوار پنچ ملک آتا دورہ غاٹی ءِ۔ سے شنبے نادے داڑے امریکہ وپاکستان نا نیام اٹ ڈل آتا کہول آ مذاکرات آن پد زلمے خلیل زاد وزیر خارجہ شاہ محمود قریشی تون اوڑدہی کرے۔ وزیر خارجہ داوخت آ پارے کہ پاکستان و اوغانستان اٹی امن کن امریکی کوشست آتا ستاءِ کیک۔ ہڑتوم آ کڑدہ غاک اوغان مصالحتی عمل نا بابت کمکاری ءِ برجاتخنگ آ امنا کریر۔ شاہ محمود قریشی پارے کہ پاکستان اوغان جھیڑہ نا سیاسی ایسری کن تینا کڑد ءِ برجاتخک۔
