نیویارک۔ 09اکتوبر (اے پی پی) پاکستان کشمیر نا ویل انا پرامن ایسری نا گرج آ زور شاغسا جہانی برادری آن خواست کرینے کہ او بھارتی تسلط اٹی کشمیری تیا کروک آ بیدادی ءِ بند کرفنگ کن ٹھوس و بامسخت گام گیج کے۔ اقوام متحدہ ٹی پاکستان نا آخبتی مندوب ڈاکٹر ملیحہ لودھی اقوام متحدہ نا جنرل اسمبلی ٹی سیکرٹری جنرل نا جہانی ادارہ نا بارواٹ رپورٹ آ شرہ نا وخت آ تینا تران اٹی پارے کہ اقوام متحدہ نا کشمیر نا جھیڑہ غا کڑدہ نا حیثیت اٹ دیرینہ زمواری جوڑ مریک کہ او دا جھیڑہ ءِ ایسر کے۔ اوپارے کہ جموں و کشمیر نا جھیڑہ سلامتی کونسل نا ایجنڈا غا غٹ آن متکن انگا ویل ءِ۔ ڈاکٹر ملیحہ لودھی داہیت آ است ہسونی نا درشانی ءِ کرے کہ اقوام متحدہ نا کشمیر تون تعلقدار قرارداد آتیا داوخت اسکان عملدرآمد کننگتنے ہرافتے ٹی کشمیری تے حق خودارادیت تننگ نا وعدہ کننگانے۔
